KulWika: Pagpapaunlad ng Kultura at Wikang Pambansa

Author Biography

• JUDY ANN SISON DELA CRUZ, Pangasinan State University

  Si Bb. Judy Ann Sison Dela Cruz ay isang guro, mananaliksik, tagapagdaloy ng piging at programa, manunulat ng aklat, at tagapagsalin mula sa Bayan ng Lingayen, Probinsya ng Pangasinan. Sa kasalukuyan, siya ay nasa antas bilang Instructor III sa Kolehiyo ng Panggurong Edukasyon ng Pang-Estadong Unibersidad ng Pangasinan, Kampus ng Lingayen, Lingayen, Pangasinan. Siya rin ay dating Document Control Custodian at Records Management Officer at kasalukuyang tagapayo ng Kapisanan ng mga Mag-aaral sa Filipino (KAMFIL) sa Pang-Estadong Unibersidad ng Pangasinan, Kampus ng Lingayen, Lingayen, Pangasinan. Ang kanyang mga tinuturong asignatura ay may kaugnayan sa kurikulum, wika, panitikan, kultura, barayti at baryasyon, panulaan, at panunuring pampanitikan.

  Sa edukasyon naman, siya ay nagtapos ng Batsilyer ng Sekondaryang Edukasyon -Filipino sa Pang-Estadong Unibersidad ng Pangasinan, Kampus ng Lingayen, Lingayen Pangasinan, Master ng Edukasyon – Filipino at Doctor of Philosophy- Filipino Language sa Lyceum Northwestern University, Dagupan City, Pangasinan    

  Patuloy ang kanyang paglikha ng ibat-ibang kasanayang aklat sa kolehiyo at pananaliksik na may kaugnayan wika, kultura, panitikan at, barayti at baryasyon.